Antroponimia medieval galega (ss. VIII–XII)

O propósito deste traballo é contribuír ó estudio lingüístico sobre os nomes de persoa na Galicia altomedieval. O corpus está formado por documentos éditos de Sobrado, Carboeiro, Samos, Xubia e Santiago, situados cronolóxicamente entre os ss. VIII e XII. Fíxose necesaria a confrontación cos orixinais, dado o número de erros presentes nas edicións. Tras tira-los nomes propios, contamos cuns 10.000 cadeas onomásticas, o que supón ó redor das 18.000 ocorrencias. A partir deste material realizouse o estudio sobre o sistema de denominación persoal e a súa evolución: constatouse o paso da nominación única á utilización de segundos nomes, constituídos maiormente por outros nomes persoais en xenitivo ou cun sufixo patronímico (-iz, mod. -ez); en menor medida empregáronse sobrenomes (procedentes de alcumes, hipocorísticos e designativos profesionais) e nomes de orixe (topónimos e étnicos). A seguir, considerouse a composición etimolóxica do material onomástico, reflexo da historia social e cultural: a escasa pervivencia do elemento prerromano, a entrada dos nomes latinos ou transmitidos polo latín (gregos e hebreos), a influencia do cristianismo, a extraordinaria difusión da onomástica xermánica e a débil repercusión da árabe. En cada un destes capítulos inclúese información estatística que reflicte as respectivas proporcións, os nomes máis usados, a evolución cronolóxica das formas, etc. Despois elaboramos un diccionario cos materiais onomásticos, agrupando as variantes baixo unha única forma normalizada; o número total de entradas ronda as 2140. En cada unha delas realizamos un estudio particularizado, que inclúe información etimolóxica e, de se-lo caso, fonética e histórica, así como outras posibles referencias bibliográficas. Por último, inclúese unha relación das modificacións feitas ás fontes revisadas, de tódalas formas tratadas e da bibliografía. This piece of work is intended as a contribution to the linguistic study of personal names throughout the Late Middle Ages in Galicia (Northwest of the Iberian Peninsula). After exploring several types of sources, non-literary edited documents ranging over a chronological period between the 8th and the 12th centuries were chosen. The compilation of data was carried out after reviewing the original documents in order to correct editing mistakes. The final result consisted of nearly 10000 onomastic sequences, including about 18000 subsequent occurrences. Then, research into the system of personal names and its evolution was initiated. Among the topics explored were the change from the use of a single name to the use of a second name, the creation of this second name by morphological procedures (patronymic suffix -iz, i.e. modern -ez) or through the use of bynames (nicknames, petnames and professional names), place names and ethnic names. This project also offers an etymological study of the data and a dictionary of proper names with more than 2000 entries.